الخميس، 28 يونيو 2007

لقد كنا ومازلنا .. اخوة فى الله

ذكريات .. فى جامعة المنصورة


لعل من يقرأ العنوان للوهلة الأولى .. يظن اننى قد تخرجت - وفى ذكريات كتيير وحاجت من دى بقه - بس للأسف الحقيقة إنى لسة طالب فى السنة الثانية فى كلية التجارة .. بس ده ميمنعش ان هناك ذكريات ...



وسأخص بالذكر هنا المواقف التى تمت فى السنة الماضية فى الترم الثانى والتى حكاها لي بعض الاخوة اللى متواجدين دايما فى أعمال الجامعة ..




فى البداية .. طبعا كان شعار الحملة بأيدينا نكون أحرارا .. علشان نصحصح كده ..


أولا :- كان أول عمل تم لطلاب الإخوان داخل اسوار الجامعة هو مسيرة حاشدة كانت بعنوان لبيك أقصانا .. ياااااااااااااه .. والله يا جماعة الواحد فاكر المسيرة وكأنه ماشى فيها دلوقتى وقاعد بيقول :-


يا أقصانا يا حبيب شمسك شمسك لن تغيب



خيبر خيبر يا يهود جيش محمد بدأ يعود




ولا ايه بقه مقلكوش لما الاخوة والاخوات كلهم انشدوا نشيد من عيون كل اليهود طيروا النعاس .. والله الواحد حاسس بصوت السوندات فى ودانى ..



وعلى فكرة المسيرة دى كان مشارك فيها مش أقل من 15 عضو هيئة تدريس .. واخواننا فى كلية هندسة ربنا يكرمهم يا رب .. ذى ما عودونا دايما بكل جديد .. كانوا جايبين معاهم الماكيت الكبير الخاص بالمسجد الأقصى ..




واكتر حاجة كانت مميزة المسيرة دى .. العصابات الحمراء اللى كل الاخوة كانوا لبسينها ومكتوب عليها لبيك أقصانا ذى اللى اخونا لابسها فى أول المودنة عندى ..

فعلا الواحد لما بينوى لربنا عز وجل .. ربنا بيوفقه فى اللى بيعمله ..

معلش على الاختصار يعنى لو حد كان حاضرها يا ريت يشاركنى علشان ذاكرتى مش كبيرة .



ودى بعض الصور للمسيرة ..







ثانيا:- ممكن نتكلم فى معرض نسائم الحرية .. الصراحة كان تجربة جميلة مع إن عدد الطلاب اللى حضره لا يتناسب مع إمكانياته .. وكن فعلا كان تجربة جميلة .. على الأقل بالنسبة لى .. احتكيت فيه بإخوة أكبر منى اتعلمت منهم كتير سواء من طب -هما اللى كانوا بيستقبلوا الطلبة - واتعلمت منهم الشياكة على أصولها .. والله بجد كانوا خير إخوة فى هذا المكان .. مقصدش كلية طب بعينها .. أقصد الإخوة اللى كانوا موجودين فى المعرض .. ده غير الإخوة اللى كانوا مسئولين عن شرح اللوحات اللى كانت موجودة ..ربنا يكرمهم يا رب ويتقبل منهم جهدهم .. فعلا الموضوع كان شاق جدا .. من بحض عن الكتب وكيفية اختيار الأسلوب المناسب .. بس الصراحة مجهود كل الإخوة اللى حضروا للمعرض كوم ... ومجهود الإخوة اللى رسموا كوم تانى ...... يااااااااااااااااااه .. والله يا اخواننا اللى مبيشاركش فى الأعمال بيفوته كتييير اوى اوى اوى ... اخواننا اللى رسموا دول طلاب زينا والله منهم اللى فى هندسة وطب وتجارة .. يعنى عندهم مذاكرة برده .. وسهروا بل المعرض بيومين .. قاعدين مع بعض فى شقة واحدة .. تصورا لو مجموعة افراد ميعرفوش بعض خالص واتجمعوا مع بعض يومين .. لما يخلصوا هيبقوا عاملين ازاى .. يا سلاااااااااام ..


صحيح .. انا عمرى ما هنسى اليوم ده .. مش علشان معرض نسائم الحرية بس .. لالالا.. علشان ده كان أول يوم جريدة م الآخر فى شكلها الجديد تشوف النور .. الحمدلله ان اليوم عدى على خير ..


جانب من صور المعرض:-









ثالثا: ممكن نتكلم عن المسرحية ... طبعا اكيد كله قال فى نفس واحد (مبروك الابن) ... يعنى مش هتكلم كتير .. بس اللى محضرهاش فاتوا كتير اوى اوى اوى ...







وبعد كده ... التعديلات الدستورية .. بس دى كان موالها طويل .. بس الصراحة أنا كان عندى امتحانات ميدتيرم فى الفترة دى وكنت بذاكر شوية .. بس كنت نزلت الجامعة علشان جيب شوية مذكرات ولقيت اخواننا معتصمين عند بوابة البحر .. فوقفت معاهم .. وهاتك يا هتاف .. المهم ان الوقفة كانت رمزية .. يعنى بالكتير اوى خمسين ستين أخ .. وبرده الجامعة كانت مقلوبة .. والتحقيقات بعد كده اشتغلت .. بس الحمدلله عدت على خير ..





وأخيرا وليس آخرا .. عرس الشهادة .. وياله من عرس .. كانت الفرحة مالية جامعة المنصورة كلها .. يا سلاااااااااااام .. وأعلام فلسطين مرفرفة وجنبها أعلام حماس .. وكان فى علم لفلسطين يجى حوالى 7 متر ولا حاجة .. ده غير البانرات اللى كان مطبوع عليها صور الاستشهاديين .. الصراحة كان فرح بجد ..




أنا عارف إنى مهما اتكلمت مش هوفى حق اخواننا .. ربنا يكرمهم ويتقبل منهم أعمالهم .. وأول مرة أولها فى حياتى أنا آسف إنى مطولتش عن كده فى الموضوع ده .. مع إنه كان يستاهل كلام كتيييييييير ويمكن الصور تقلل القصور اللى مقدرتش اوصله عن طريق الكلام .. والخلاصة ذى ما بقول وهفضل اقول .. مادام لسة فى مصر طلاب ذى دول .. يبقى أكيد سيبقى الأمل ...

هناك 38 تعليقًا:

علاء يقول...

قكرتني بالذي مضى
:)

طالب اخوانى يقول...

لا يا باشمهندس الذى مضى كان حاجة تانية خالص .. كان نفسى ابقى متواجد ايام الانتفاضة فى جماعة المنصورة .. يااااه .. إن شاء الله هتعود الأيام دى تانى من جديد فى جامعة المنصورة ..

bedo يقول...

بس علشان هاعيط كمان شوية
فكرتني بصراحة بالأيام اللي مضت والله

وقطعت قلبي

بصراحة

الواحد لا يملك إلا إن يدعوا الله لكم

وإلى الأمام دائما

وعايزين نشوف أخر الأعمال دائما

وفقكم الله

امام الجيل يقول...

ياااااااااااه فكرتنى بايام زمان كانت ايام جميلة هى مش زمان اوى بس كانت تحفة اوصيك بها اخى الكريم استغلها بافضل ما يكون اوعى تكسل يوم والله كتير من الاجر ده بالشكل ده ممكن تتحرم منه لانك مش هتلاقى بره شغل زى الجامعة بانشاط والتنوع والحركة اوصيك اخى خيرا وادعو لى معك

طالب اخوانى يقول...

نورت المدونة يا بيدو .. وانت اللى كان مفروض تكتب الحاجات دى .. لأنك علم بيها أحسن منى .. ربنا يكرمك يا رب .. ويوفقك فى حياتك ..

طالب اخوانى يقول...

امام الجيل .. وصيتك دى هحطها ادام عنيا الاتنين وجواهم .. وربنا يعينى ويعين اخوانى على البذل فى سبيل الدعوة ..

khadiga يقول...

سبحان الله

هو انتوا اللي بتقلدونا ولا احنا اللي بنقلدكم

:)

كل الحاجات دي حصلت عندنا في حلوان

!!!

بس بزيادة كام وقفة واعتصام علشان الطلاب الاخوة المعتقلين والمفصولين

!!!

والله الواحد لما بيفتكر الذكريات دي بيحن للجمعة قوي

جزاك الله خيراً على البوست المميز

غير معرف يقول...

ما شاء الله
جميل اوي يا مستر :)
انا على فكره حضرت كتير من اللي انت قلت عليه
لكن المسرحية لا
يشرفني اتعرف عليك و ابلغ عنك :P
سلااام
أخوك
عبدالرحمن عياش
غريب

mo'men mohamed يقول...

الله أكبر ولله الحمد
الله أكبر ولله الحمد
للأسف احنا عندنا فى الكليه عشان عدد الإخوة قليل جدا
ممكن تلاقى ان فى الخمس دفعات 15 أخ بس وكمان احنا كليه مستقلة
مبنقدرش نعم اكل اللى حضراتكم عملتوه ده
الله المستعان
السلام عليكم

النجمة الصامدة يقول...

ماشاء الله لاق وة الا بالله
فعلا والله أجمل شغل الواحد يشتغله
اللي بتكون فيه روح الأخوة الجميلة دي

ربنا يبراكلكم ويزيدكم ويثبتكم
واحنا كمان
:)


مبروك علينا مدونة حضرتك
أسأل الله أن يجعلها في ميزان حسناتك

حراس الحقيقة يقول...

بجد حاجه عظيمه لما الانسان يفتكر موقف كان حاسس بيه بالعزه والفحر والحريه
وخصوصا لو افتكر المواقف دى فى وقت صعب بيعدى بيه ... هيخرج من الموقف ده بمنتهى السهوله بمجرد التفكير فى اللحظات دى
بارك الله فيك

tamooh يقول...

ااااه..كانت أيام جميلة
وجزاكم الله خيرا على التغطية الرائعة دى..

نـــــــور يقول...

ماشاء الله تبارك الله

بجد حاجة فوق مستوى الروعة ، ربنا يحميكم يارب ويجعل النصر على اياديكم

عندنا في الجامعة طبعا حاجات زي كدا
لكن مش بنفس المستوى دا ، لأن العمل الطلابي عندنا في جامعة اسيوط مضيق عليه الخناق جدا

الله المستعان .. بجد أثلجتم صدري.. ربنا يعز بيكم الأمة

طالب اخوانى يقول...

استاذة خديجة .. متزعليش .. احنا الاتنين بنقلد بعض .. علشان فكرنا واحد ولا ايه .. وجزاكى الله خير على المرور ..

طالب اخوانى يقول...

بقه كده يا باشمهندس غريب .. تبلغ عن أخوك .. ده انا بحبك فى الله يا جدع .. على فكرة انا الحمدلله لسة جايب عدة انهارده .. الله يكرمك اتصل بيه ضرورى .. أصل كل الارقام عندى ضاعت علشان جبت شريحة الطوارئ .. فى رعاية الله

طالب اخوانى يقول...

ربنا يعين إخواننا فى بيطرى فى اسكندرية .. بس العمل مبيتمش علشان الكثرة ولا حاجة .. ده غير انك مش لازم تعمل عمل عام علشان تثبت وجود .. فالأخ لازم يكون داعية فى أى مكان كان فيه .. و نورت المدونة ..

طالب اخوانى يقول...

نورتى المدونة يا نجمة يا صامدة .. وجزاكى الله خيرا على هذا الكلام .. اهم حاجة .. هتكتبى المسرحية اللى بعد كده امته .. شدى حيلك .. ربنا يعينك ..

طالب اخوانى يقول...

الأخت يا سمين .. زى ما حضرتك قولتى .. حاجة جميلة ان الواحد يفكر فى المواقف دى ويتذكرها دائما ..

طالب اخوانى يقول...

فعلا يا باشمهندسة .. كانت أيام جميلة .. وخصوصا إنها كانت فى صحبة صالحة ..

طالب اخوانى يقول...

دكتورة نور .. جزاكى الله خيرا على المرور .. وفى اسيوط مش مضيقين ولا حاجة .. انا بتابع اخبارها .. بلاش التواضع ده ..

همسة قلم يقول...

ياااه

ذكرتني بأيام الكلية اخونا الكريم طالب اخواني
لما كان الاخوة اكرمهم الله ينظموا المسيرة او الحفلة وتكون أروع ما يمر علينا من العام للعام :)

أكرمكم الله وبارك بكم وفيكم

AbdElrahman ElRantisi يقول...

السلا م عليكم
ياريت يأخى متحطش صور إخواننا فى المدونه وبالذات لو كانت وجوهم ظاهره
أكرمك الله

طالب اخوانى يقول...

الأخت الصحفية همسة قلم .. جزاكى الله خيرا على التعليق ..

طالب اخوانى يقول...

جزاكم الله خيرا يا عبدالرحمن على هذا التنبيه .. ولكن الصور التى قمت برفعها على المدونة .. سبق وتم نشرها على النت والجرائد والمواقع الاخبارية .. وماهى إلا تجميع لهذا كله ..
جزاك الله خيرا .. وبإذن الله يكون بيننا لقاء قريبا ..

جمعاوى روش طحن يقول...

يااااااااااااا

فكرتنى بالجامعة و شغلها

على فكرة أنا كنت ف لقاء من سنتيين
عندكوا ف المنصورة

كان لقاء تبادل خبرات

و بصراحة كان لقاء قيم جدا

و كانت أحسن حاجة فيه بصاحة الأكل

كباب وكفته


و عمرى ما ح انسى اللقاء ده بصراحة

و انا عندى أرشيف العمل العام كله اللى حصل عندنا


و من حين لآخر لازم اتفرج عليه


ربنا يتقبل

ftataljanna يقول...
أزال المؤلف هذا التعليق.
ftataljanna يقول...
أزال المؤلف هذا التعليق.
elbostagy2 يقول...

السلام عليكم ورحمة الله وبركاته

صدقا لا أجد ما اقول
إلا أن أدعوا الله أن يجعل هذه الخطوات في ميزان حسنات الجميع

اللهم يا مقلب القلوب والأبصار
ثبت قلوبنا على دينك

جزاكم الله خيرا أخي الكريم

ادعيلي كتير

ـــــــــــــــــــــ
pm
مش قادر أوصل ليك
رجع الخط أو اقعد في البيت

أقولك
اتصل بيا وريح نفسك وريحني
ــــــــــــــــــــ
دمت بكل ود أستاذي الكريم
أسألكم الدعاء .. اخوكم البوسطجي 2

دكتور حر يقول...

جزاكم الله خيرا وربنا يتقبل

أيام الجامعة هي أيام الحياه
وغيرها لا

لكن تذكر دائما
أنه لا يبقى منها إلا ماكان خالصا لوجه الله

سينساك الجميع وسوف لن ينساك الله ولا عملك الخالص الصالح

وفقك الله

مذكرات طالب إخوانى يقول...

بجد أخويا جزاكم الله خيرا كثيرا عجبنى جدا امضاءك ولسوف يبقى الأمل نفع الله بك ويسر أمرك ودراستك

ياسر سليم يقول...

مدونة جميلة

مواضيع شيقة

ألف مبروك على الإفتتاح

معلش جاية متأخر

تحياتى اخى الكريم

huda gamal يقول...

فعلا مدونة جميله فى الشكل والمضمون
الى الامام دائما ان شاء الله
تحياتى

Monzer يقول...

أنا بصراحة ماعنديش ايزكريات فى الكلية خالص
لانى ماكنتش بروح ولا باحضر
ولا شفت الدكاترة ولا جبت كتب ولا حتى اعرف أساميهم

فاشل فاشل فاشل
بس كنت كل ما أروح الكلية الاقى الامن المركزى فصادفت رمة ولقيت مظاهرة
وحانا كليتنا مشبتاعة الحاجت الوحشة ده خالص بس ماتعرفش شفت شبابا ماكنتش أتصور انهم فى كليتنا أبدا الالتزام ايه والاحترام ايه والخلق ايه
ولا البنات الخمار والإسداتل والنقاب، فين البايدهات والحاجات ده مش عارف اختفت

كان منظر مشفرح جدا وانا كان ليا الشرف انى شاركت معاهم وطبعا كان تحت رعاية طلاب التيار الإسلامى

وكان بسب قتلالصهاينة أربع مجندين مصرين على الحدود فى رفح وحملوا نعوش وكبرنا كانت جميلة جدا ومش هنساها ابدا
وجه بعيدها بيوم أسامة الباز وياخوياولا حد شاف وشه ولا حضره المحاضرة ولا حاجة ولات حسنيا بيه خالص
أصلى ساعته رحت أشوف قلت الراجل ده ممكن يعمل حاجة
بس تلاقيها كنت حركة توازن يعنى، يعنى بيقول انحنا حاسين بيكم أهو

المهم ربنا يثبتك ويقيوكم ويجعل تضحياتكم ده فى ميان حسناتكم ان شاء الله

محمد الجغرافى يقول...

ياااااااااااااه
فكرتنى بالذى مضى ايها الطالب

هييييييييييييييييييييييه
دنيــــــــــــا

البقاء لله

ان شاء الله نسترجع هذه الايام قريبا

مع تحيات

متفائلون

طلاب الاخوان المسلمين بجامعة المنصورة

elbostagy2 يقول...

السلام عليكم ورحمة الله وبركاته

أخي الكريم

ياريت تشارك في الحمله دي

غزة لن تجوع ولن تركع

noha يقول...

جميل جداً البوست ده

وخلانى اشوف حاجات كتير فتتنى حصلت فى الجامعة

وجايز فتتنى لاسباب قاهرة !!

بس بجد انا مسبوطة جداً
بشكل المسيرة والعلم
والعقلية اللى بتنفذ

ربنا يهدى شباب المسلمين

:)

جزاك الله خيراً

امام الجيل يقول...

القبض على معتز منفى والجيزاوى بحبك يا مصر
تم إلقاء القبض صباحا على كل من المدون معتز عادل صاحب مدونة منفى
وأحمد الجيزاوى صاحب مدونة بحبك يا مصر
وذلك إثناء ذيابهم إلى الهايكستب بطرق مصر إسماعيلية الصحراوى للتضامن مع المحالين عسكريا
monzer they catch me in my way to cairoi donot know were they will take me nawtell all of them to take care and iam with u in modawn7"anafrom mo3takal
وما ألمنى اكثر ولم اقرأه إلا عند كتابة هذه الرسالة هي كلمته الأخيرة
donot forget me

وكانت رسالة أحمد الجيزاوى كالآتي
رسالة للجميع
أنا فى المترو واتقبض عليا خلى بالكم وتروحوا لوحدكم كانت رسالة معتز الساعة السابعة تقريبا، أما رسالة أحمد فبعديها بنصف ساعة تقريبا والامر بين يدي الله جميعا، وحسبى الله ونعم الوكيل
والسلام عليكم ورحمة الله وبركاته ...أخوكم منذر
نقلا من مدونة حين البأس...لاخويا منذر

غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室